DZIPHISALEMA 20 - BIVHILI KHETHWA Mafhungo Madifha

Muṋe washu u ḓo ita uri khosi i kunde Khumbelo

Phisalema ya Dafita ye a sikela malogwane.

¹ Ngavhe Muṋe washu a tshi u aravha musi wa khombo, Dzina ḽa Mudzimu wa Jakopo nga ḽi vhe tshiṱangu tshau!

² Ngavhe a tshi u phalala e henengei hukhethwa, a ḓi u tika e Tsioni!

³ Nduvho dzau nga a dzi elelwe, a ṱanganedze zwiṱhavhelo zwau.

⁴ Ngavhe a tshi u fha zwine mbilu yau ya tama, a vuledze zwoṱhe zwine wa funa u ita,

⁵ ra ḓo konou pembela ri tshi vhona wo kunda, ra imisa zwiala ri tshi renda dzina ḽa Mudzimu washu. Ngavhe Muṋe washu a tshi u fha zwoṱhe zwe wa humbela!

Fulufhelo

⁶ Zwino ndi vho zwi ḓivha uri Muṋe washu u ḓo farisa khosi ye a ta, u ḓo mu aravha e ḽiṱaḓulu ḽawe ḽikhethwa, u ḓo mu ṋea gundo ḽihulu nga maanḓa awe.

⁷ Vhaṅwe vha zuwa gariki dza nndwa, vhaṅwe vha zuwa dzibere; riṋe tshine ra zuwa ndi dzina ḽa Mudzimu Muṋe washu.

⁸ Vhone vha ḓo wela fhasi vhe huru, a nga vha riṋe ri ḓo takuwa ra ima ró khwaṱha.

⁹ Ṋea khosi gundo Muṋe washu, ri aravhe ḓuvha ri tshi u vhidzelela!