DZIPHISALEMA 2 - BIVHILI KHETHWA Mafhungo Madifha

Muṋe washu na Muḓodzwa wawe Mahosi ane a vhangisa Khosi khulu

¹ Nṋa gaḓa ḽa vhannḓa ndi ḽa mini? Tshakha dzi langanelani zwa mahandana?

² Mahosi a ḽifhasi a ima o ḓilugisela nndwa; vhavhusi nga tshavho vha khou langana u lwa na Muṋe washu na khosi yawe ye a i ta.

³ Vha ri, “Kha ri ṱhukhukanye mbofho dzavho, thambo dzavho ri dzi laṱe kule!”

Mudzimu a tshi sea mahosi

⁴ Matsina a dzulaho ngei ṱaḓulu u a vha sea, Muṋe wa zwoṱhe u tou tamba ngavho.

⁵ A konou amba navho o sinyuwa, a vha tshenusa o halifha,

⁶ a ri, “Nṋe ndo vhea khosi yanga thavhani yanga khethwa ya Tsioni.”

Zwe Mudzimu a vhofha

⁷ Litshani ndi ni vhudze zwe Muṋe washu a vhofha: O amba na nṋe a ri, “Iwe u murwa wanga, ndo u beba ṋamusi ḽino.

⁸ Nkhumbele tshine wa funa. Dzitshakha ndi ḓo u ṋea ḽa vha ifa ḽau, shango u ya he ḽa guma ḽi ḓo vha ḽau.

⁹ U ḓo vha vunḓekanya nga luḓo, u ḓo vha pwashekanya unga khali ya vumba.”

Mahosi a tshi vhulawa musanda

¹⁰ Zwino-ha inwi mahosi, laṱani vhutsilu haṋu ni ṱalifhe, inwi vhavhusi vha ḽifhasi, tendani u eletshedzwa.

¹¹ Luvhani Muṋe washu ni mu ofhe, mu pembeleleni ni tshi tou tetemela,

¹² shuvhamani mavuni ni mu luvhe, a sa ḓo sinyuwa na vho rwiwa ni songo ṱhaphudza. Ḓivhani uri mbiti dzawe dzi nga mbo ḓi vuwa. Vha mashudu ndi avho vhane vha khuda ngae.