DZIPHISALEMA 19 - BIVHILI KHETHWA Mafhungo Madifha

Tsiko na maṅwalo zwi ḓivhadza vhugala ha Mudzimu Vhuṱanzi ha tsiko

Phisalema ya Dafita ye a sikela malogwane.

¹ Ḽiṱaḓulu ḽi ṱanziela vhugala ha Mudzimu, lutombo lu ḓivhadza mishumo ya zwanḓa zwawe,

² ḓuvha ḽi tshi tsha ḽi tsha na zwaḽo, vhusiku vhuṅwe na vhuṅwe vhu ḓa na nḓivho.

³ Maipfi azwo ha bulwi nga mulomo, mafhungo azwo ha pfiwi nga nḓevhe.

⁴ Hone mukosi wazwo u swika he shango ḽa kanda, maipfi azwo a guma vhusendekamisi, he ḓuvha ḽa fhaṱelwa thumba yaḽo.

⁵ Ḽi bva khayo unga mukwasha a tshi bva nḓuni, ḽi dzhena mudavhini wa mbambe nga dakalo unga munna wa maanḓa.

⁶ Ḽi takuwa henengei vhusendekamisi, ḽa fhambanya ḽa yo tota tombo vhusendekamisi, a hu na tshine tsha tinya u fhisa haḽo.

Vhuṱanzi ha Maṅwalo

⁷ Mulayo wa Muṋe washu a hu na hune wa solisea, u netulusa muya wa muthu; ndayo ya Muṋe washu i a fulufhedzea, i ṱalifhisa vha si na maano;

⁸ milayo ya Muṋe washu yo tou tswititi, i takadza mbilu; ndaela dza Muṋe washu dzo kuna, dzi vhonetshela muthu;

⁹ u ofha Muṋe washu hu sendedza muthu kule na zwa dzitshika, a hu na upfi zwi a fhela; zwe Muṋe washu a laya ndi zwa ngoho, a hu na na tshi soliseaho khazwo;

¹⁰ zwi takadza u fhira musuku, naho u munzhi wo bviswa manyelo; zwi ḓifha u fhira mutoli, u fhira na tshigili tsha ṋotshi.

¹¹ Na nṋe mulanda wau ndi laiwa ngazwo, u zwi vhulunga zwi na pfufho khulu.

¹² Ndi nnyi ane a nga vhona vhukhakhi hawe? Nṱanzwe-ha na milandu yo dzumbamaho.

¹³ Ntsendedze kule na u ḓiḓivha, u songo tenda ndi tshi vhuswa nga zwo raloho; ndi hone ndi sa nga solisei, ndi si na milandu i lemelaho.

¹⁴ Zwine nda amba na zwine nda humbula nga zwi vhe zwi takadzaho Iwe Muṋe washu, bako ḽanga ḽa u khuda, Mulamuleli wanga.