DZIPHISALEMA 16 - BIVHILI KHETHWA Mafhungo Madifha

Mudzimu ndi Ene dakalo ḽanga Mulanda a fulufhedzeaho wa Muṋe washu

Luimbo lwa Dafita.

¹ Mudzimu nndondole, ndi khuda nga Iwe.

² Ndi amba na Muṋe washu nda ri, “Muṋe wanga ndi Iwe; a thi tshee na tshiṅwe tshivhuya, ndi Iwe u woṱhe.”

³ Hone midzimu yo ḓalaho fhano shangoni, ye na nṋe nda vha ndi tshi i takalela, ndi vho i vhudza ndi ri:

⁴ Vhane vha gidima murahu hayo vha ḓiovhela khombo nnzhi; vha tshi phasa nga malofha a zwiṱhavhelo nṋe ndi ḓo sendela kule, madzina a midzimu yavho ha nga pfali mulomoni wanga.

⁵ Muṋe washu ndi Ene mukovhe wanga u mpfushaho, zwo nndivhaho zwi bva ha Iwe.

⁶ Mukovhe we wa nṅwatela lu tou vha ludzula, ifa ḽanga ḽo naka hani!

Muṋe a fulufhedzeaho

⁷ Ndi renda Muṋe washu Mulayi wanga, na vhukati ha vhusiku luvalo lu a nnyeletshedza.

⁸ Muṋe washu ha ṱuwi mbiluni yanga, thi tseki, u na nṋe.

⁹ Ndi zwine mbilu yanga ya takala, muya wanga wa fhululedza, vhukuma ndi ḓo dzula ndo khuda.

¹⁰ U nga si nndaṱe nda milwa nga lufu, nṋe mulanda wau a fulufhedzeaho u nga si tende ndi tshi dzhena tshaloni.

¹¹ U ntsumbedza nḓila ya vhutshilo; ndí na Iwe, ndi hone ndo fushea, zwine wa mpha zwi dzula zwi tshi ntakadza.