DZIPHISALEMA 15 - BIVHILI KHETHWA Mafhungo Madifha

O teaho u ḓa phanḓa ha Mudzimu

Phisalema ya Dafita.

¹ Muṋe washu, ndi nnyi ane a ḓo dzula nḓuni yau? Ndi nnyi o teaho u fhaṱa thavhani yau khethwa?

² Ho tea muitazwivhuya a sa solisei, ane a amba ngoho zwi tshi bva mbiluni.

³ Lulimi lwawe a lu fheṱi vhaṅwe, ha vhaisi muthu, ha iseli muthu phungo.

⁴ Vho landulwaho nga Mudzimu ú a vha nyadza, tshawe ndi u hulisa vha ofhaho Muṋe washu, zwe a amba u a zwi ita, naho zwi tshi vho konḓa.

⁵ Ha bindulisi tshelede lwa u ḽa vhaṅwe, ha tendi zwa tshanḓanguvhoni hu tshi laṱwa a si na mulandu. Onoyo u ḓo ima o khwaṱha lini na lini.