DZIPHISALEMA 149 - BIVHILI KHETHWA Mafhungo Madifha

Luimbo lwa u renda Muṋe washu, Mulweli wa vhathu vhawe Mifhululu

¹ Haleluya, nga hu rendwe Muṋe washu! Imbelani Muṋe washu luimbo luswa, mu rendeni tshivhidzoni tsha vhalanda vhawe vha fulufhedzeaho!

² Israele, takalelani Muvhumbi waṋu, vhana vha Tsioni, pembelelani Khosi yaṋu!

³ Nga vha rende dzina ḽawe nga u ḓala muḓalo, vha mu imbele hu tshi lila mirumba na mbila!

⁴ Muṋe washu u takalela vhathu vhawe; vha u ḓiṱukufhadza u vha ṱama nga gundo.

⁵ Vhalanda vhawe vha fulufhedzeaho nga vha pembele, o vha ṋea vhugala, vha fhululedze nangwe vho lala.

Gundo

⁶ Nga vha rende Mudzimu vha tou ṱavha mukosi, vhó fara mapanga a mutsheahoṱhe;

⁷ Ene u lifhedza dzitshakha, a laṱisa vhathu,

⁸ a vhofha mahosi avho nga dzigeḓane, vharangaphanḓa vha vhoxwa nga tsimbi,

⁹ u ralo ha vha u khunyeledza khaṱhulo yo ṅwalwaho, na u pfufha vhalanda vhawe vha fulufhedzeaho nga vhugala. Haleluya, nga hu rendwe Muṋe washu!