DZIPHISALEMA 142 - BIVHILI KHETHWA Mafhungo Madifha

Thabelo ya mutovholwa

Thabelo, tshirendo tsha Dafita tshe a sika zwiḽa e bakoni.

¹ Ndi vhidzelela Muṋe washu nda tou ṱavha mukosi, nda ri, “Muṋe washu, nkhathutshele!”

² Ndi tou mu ṱanzela zwa mbiluni yanga, nda mu vhudza zwi nndinaho.

³ Ndi tshi kulekana nungo, ndi Iwe u no ḓivha zwoṱhe zwine nda ṱangana nazwo: Vho nthetshela zwikwekwe nḓilani yanga.

⁴ Lavhelesa kha tshauḽa tshanga u vhone: A hu na a nndondaho, a thi na vhuyo, thi na mulondoli.

⁵ Ndi lilela Iwe Muṋe washu, ndi ri, ndi Iwe vhushavhelo hanga, u mukovhe wanga shangoni ḽa vha tshilaho.

⁶ Thetshelesa tshililo tshanga, ndo hanganea tshoṱhe; nndamukise kha vha ntovholaho, vha a nkunda.

⁷ Mmvise dzhele, ndi kone u renda dzina ḽau; ndi hone vha fulufhedzeaho vha tshi ḓo nndalela vhoṱhe, vha tshi vhona vhuthu he wa nnyitela.