DZIPHISALEMA 141 - BIVHILI KHETHWA Mafhungo Madifha

Thabelo ya u humbela u tinyiswa milingo na u tsireledzwa kha vhavhi Thabelo i takadzaho Mudzimu

Phisalema ya Dafita.

¹ Muṋe washu, ndi a u rabela, ṱavhanya u mphalala, mpfe ndi tshi u ṱavhela mukosi!

² Ngavhe thabelo yanga i tshi swika phanḓa hau unga zwioro; ndi tshi imisa zwanḓa zwi nge nduvho ya nga madekwana.

U ofha u tshinya

³ Muṋe washu, mmbetshele a lindaho lulimi lwanga, linda vothi ḽa mulomo wanga.

⁴ U songo litsha mbilu yanga i tshi tshingamela vhuvhini; ndi si ṱwe na vhaitazwivhi, ndi si longe tshanḓa kha zwo vhifhaho, ndi si ḽe mapfura avho.

⁵ Muvhuya nga a nndaṱise; a tshi nkaidza nga vhuthu u khou nnḓodza mapfura ṱhohoni, ndi nga si vhuye nda zwi landula; hufha thabelo yanga i tshi dzula i tshi lwa na zwiito zwa vhavhi.

⁶ Vhavhusi vhavho vha tshi poswa dzinngwani, ndi hone vha tshi ḓo tenda zwe nda amba.

⁷ Marambo avho a ḓo balanganywa mulomoni wa dindi, zwa nga muthu a tshi lima a fhandukanya mavu.

U humbela u tsireledzwa kha vhavhi

⁸ Muṋe washu, Muṋe wa zwoṱhe, maṱo anga o sedza Iwe, ndi dzumbama nga Iwe, u songo nnditsha nda fa!

⁹ Ntsireledze, ndi si kande tshikwekwe tshe vha nthetshela, ndi si rithe mulavhu wa vhaitazwivhi!

¹⁰ Khunḓa nga i fashe muvei, nṋe ndi ponyoke ndi shavhe!