DZIPHISALEMA 137 - BIVHILI KHETHWA Mafhungo Madifha

Tshililo tsha Vhaisraele vhe vhuthubwani Babele U ṱungufhala

¹ Milamboni ya Babele ro dzula fhasi ra lila ri tshi elelwa Tsioni.

² Henefho ro fhahea haripa dzashu kha miṋengeledzi.

³ Vhathubi vhashu henengei vho ri ri vha imbele nyimbo, vhashengedzi vhashu vha ri ri vha imbele dza dakalo, vha ri, “Edzonu ri imbela luṅwe lwa dza Tsioni.”

Tshiṱuvho

⁴ Ri nga imba hani luimbo lwa Muṋe washu ri shangoni ḽisili?

⁵ Iwe Jerusalema, nda hangwa iwe, tshanḓa tshanga tshauḽa nga tshi tou kwatsha!

⁶ Nda sa u elelwa, nda sa ri Jerusalema ndi ḽone dakalo fulu ḽanga, izwo lulimi lwanga nga lu nambatele marinini!

U teketela vhashengedzi

⁷ Muṋe washu, u songo hangwa zwe Vhaedomo vha ita musi wa u lozwiwa ha Jerusalema; vho ri, “U thutheni! U thutheni, na miteo yawo!”

⁸ Iwe Babele mme a vhathu, u ḓo phusukanywa! Ú na mashudu a no ḓo u lifhedza, a u ita zwe wa ri ita!

⁹ U na mashudu a no ḓo dzhia vhushie hau a vhu rwisa na tombo.