DZIPHISALEMA 136 - BIVHILI KHETHWA Mafhungo Madifha

Mudzimu Musiki na Mutshidzi Mudzimu a re nṱha ha zwoṱhe

¹ Livhuhani Muṋe washu, u na vhuthu! Lufuno lwawe a lu dzinginyei!

² Livhuhani Mudzimu a re nṱha ha zwoṱhe! Lufuno lwawe a lu dzinginyei!

³ Livhuhani Muṋe wa vhaṋe! Lufuno lwawe a lu dzinginyei!

Musiki

⁴ Ndi Ene e eṱhe a itaho maḓembe! Lufuno lwawe a lu dzinginyei!

⁵ O ita ḽiṱaḓulu nga vhuṱali. Lufuno lwawe a lu dzinginyei!

⁶ O tea ḽifhasi nṱha ha maḓi. Lufuno lwawe a lu dzinginyei!

⁷ O ita zwiedza zwihulu. Lufuno lwawe a lu dzinginyei!

⁸ Ḓuvha a ri ḽi vhuse masiari, Lufuno lwawe a lu dzinginyei!

⁹ ṅwedzi na ṋaledzi zwi vhuse vhusiku. Lufuno lwawe a lu dzinginyei!

Mutshidzi

¹⁰ O fhedza matanzhe a Egipita, Lufuno lwawe a lu dzinginyei!

¹¹ a bvisa Israele vhukati havho Lufuno lwawe a lu dzinginyei!

¹² nga tshanḓa tshawe tsha maanḓa ó tshi angaladza. Lufuno lwawe a lu dzinginyei!

¹³ O fhandekanya Lwanzhe lwa Dziṱhanga nga vhukati, Lufuno lwawe a lu dzinginyei!

¹⁴ a fhirisa Israele nga vhukati halwo, Lufuno lwawe a lu dzinginyei!

¹⁵ a kumbisa Farao na mmbi yawe nga Lwanzhe lwa Dziṱhanga, Lufuno lwawe a lu dzinginyei!

¹⁶ a tshimbidza vhathu vhawe phangani. Lufuno lwawe a lu dzinginyei!

Mukundi

¹⁷ O lozwa mahosi a maanḓa, Lufuno lwawe a lu dzinginyei!

¹⁸ a vhulaha mahosi a re na bvumo: Lufuno lwawe a lu dzinginyei!

¹⁹ Sihoni khosi ya Vhaamori, Lufuno lwawe a lu dzinginyei!

²⁰ na Ogo khosi ya Bashani, Lufuno lwawe a lu dzinginyei!

²¹ mashango avho a a ṋea Israele mulanda wawe, Lufuno lwawe a lu dzinginyei!

²² a vha avho. Lufuno lwawe a lu dzinginyei!

Mulamukisi

²³ O ri elelwa ró kandeledzwa, Lufuno lwawe a lu dzinginyei!

²⁴ a ri lamukisa kha maswina. Lufuno lwawe a lu dzinginyei!

Mudzimu wa makoleni

²⁵ Zwivhumbwa zwoṱhe u zwi ṋea zwiḽiwa. Lufuno lwawe a lu dzinginyei!

²⁶ Livhuhani Mudzimu wa makoleni! Lufuno lwawe a lu dzinginyei!