DZIPHISALEMA 130 - BIVHILI KHETHWA Mafhungo Madifha

Mukosi wa o lindelaho Muṋe washu

Luimbo lwa lwendoni ho livhiwa Jerusalema.

¹ Muṋe washu, ndi u vhidzelela ndí ngeno fhasi-fhasi dindini!

² Muṋe wa zwoṱhe, ipfa ipfi ḽanga! Nthetshelese u pfe mukosi wanga!

³ Arali Iwe Muṋe washu wa ri vhalela milandu, Muṋe wa zwoṱhe, ndi nnyi ane a nga sala o ima?

⁴ Hone Iwe u a hangwela; u luvhelwa zwone.

⁵ Ndo lindela Muṋe washu, ndo mu lindela nga mbilu yoṱhe, ndo fulufhela ipfi ḽawe.

⁶ Ndo lindela Muṋe washu, u fhira vhalindi vho lindela mutsho, u fhira vhalindi vho lindela mapfuvhi a tshi tswuka.

⁷ Israele, fulufhelani Muṋe washu. Lufuno lwa Muṋe washu a lu dzinginyei; Ene u vhofholola tshoṱhe.

⁸ Ndi Ene a no ḓo vhofholola Vhaisraele milanduni yavho yoṱhe.