DZIPHISALEMA 129 - BIVHILI KHETHWA Mafhungo Madifha

Israele o ṱungufhadzwaho Israele ndambakuwa

Luimbo lwa lwendoni ho livhiwa Jerusalema.

¹ Vho ntsala murahu u bva hanani hanga – Vhaisraele nga vha ralo –

² vho ntsala murahu u bva hanani hanga, hone a vho ngo nkona, a vho ngo nkunda.

³ Vhalimi vho nndima muṱana vha tou randekanya.

⁴ Muṋe washu u a fulufhedzea, o tumula thambo dza vhavhi vhó mmbofha.

Maswina a tshi lifhedzwa

⁵ Ngavhe vhoṱhe vha vhengaho Tsioni vha tshi shoniswa vha sukumedzelwa murahu;

⁶ nga vha nge hatsi vhu melaho ṱhangani ya nnḓu, ha puta vhu sa athu aluwa,

⁷ mukaṋi a si vhu kaṋe, a si vhu vhofhe khuḽane a vhu hwala,

⁸ vhafhiri vha gondo vha sa ḓo ri, “Muṋe washu a vhe na inwi!” Ri ni shudufhadza nga dzina ḽa Muṋe washu.