DZIPHISALEMA 127 - BIVHILI KHETHWA Mafhungo Madifha

Mishumo ya mahandana na zwifhiwa zwa Muṋe washu U sokou ḓinetisa

Luimbo lwa Solomoni lwe a sikela vho faraho lwendo ho livhiwa Jerusalema.

¹ Nnḓu arali i sa fhaṱwi nga Muṋe washu, vhafhaṱi a vha na tshine vha ita. Muḓi arali u sa lindwi nga Muṋe washu, mulindi a tshi lala o ruḓa maṱo u sokou ḓinetisa.

² U tshi bubela mushumoni, wa kovhedza ḓuvha, wa ḽa tsha biko, a zwi u farisi tshithu; Muṋe ashu u fusha vhane a vha funa vhó ḓilalela!

Zwifhiwa zwa Muṋe washu

³ Vhana ndi tshifhiwa tshi bvaho ha Muṋe washu, mbebo ndi pfufho.

⁴ Vhana vhane muthu a vha sika a tshee muswa, vha nga misevhe yo farwaho nga muhali.

⁵ U na mashudu ane mukutu wawe wa dzula wo ḓala yone! A tshi imedzana na maswina tshifhingoni, ha nga shoni.