DZIPHISALEMA 126 - BIVHILI KHETHWA Mafhungo Madifha

Dakalo ḽa mathubwa o humelaho hayani U elelwa ḓuvha ḽa u vhofhololwa

Luimbo lwa lwendoni ho livhiwa Jerusalema.

¹ Musi Muṋe washu o humisela mathubwa Tsioni, ro pfa zwi tshi nga muloro.

² Ro vha ro ḓala maseo na mapwapwalala, ri tshi fhululedza. Ndi hone tshakha dzi tshi ri, “Yahavee o vha itela zwihulu.”

³ Vhukumakuma Muṋe washu o ri itela zwihulu; ro takala lwa u takala.

U humbela u dovha u vhofhololwa

⁴ Muṋe washu, dovha u ri humisele shangoni ḽashu, zwi nge milambwana Phangani ya tshipembe.

⁵ Vhane vha zwala vha tshi lila, vha ḓo kaṋa vha tshi fhululedza.

⁶ Ane a bva a tshi lila, ó hwala mbeu a tshi yo zwala, u ḓo vhuya a tshi fhululedza, ó hwala zwe a kaṋa.