DZIPHISALEMA 125 - BIVHILI KHETHWA Mafhungo Madifha

Muṋe washu Mutsireledzi wa vhathu vhawe

Luimbo lwa lwendoni ho livhiwa Jerusalema.

¹ Vha fulufhelaho Muṋe washu vha nga thavha ya Tsioni; a i sudzuluswi, i ima yo khwaṱha lini na lini.

² Jerusalema wo tangwa nga dzithavha; na Muṋe washu u dzula o tanga vhathu vhawe, zwino na lini na lini.

³ Vhavhi vha nga si vhuse shango ḽe Muṋe washu a kovhela vha fulufhedzeaho, uri na vhone vha sa ḓo longa zwanḓa zwavho vhuvhini.

⁴ Muṋe washu, vhavhuya ngavhe zwi tshi vha nakela, na vha si na vhufhura!

⁵ Hone vho faraho nḓila dza magombikwa, Muṋe washu u vha litsha vha tshi kumbwa na vhaitazwivhi. Mulalo u vhe na Israele!