DZIPHISALEMA 124 - BIVHILI KHETHWA Mafhungo Madifha

Muṋe washu Mulamukisi wa vhathu vhawe

Luimbo lwa Dafita lwe a sikela vho faraho lwendo ho livhiwa Jerusalema.

¹ Ngavhe Muṋe washu a si ime na riṋe – Vhaisraele nga vha ralo –

² ngavhe Muṋe washu a si ime na riṋe musi vhathu vha tshi ri levhela

³ zwiḽa vho ri sinyutshela, ndi musi vho ri mila ri tshi vhona,

⁴ ndi musi ro tibwa nga muḓalo wa maḓi, ró kumbwa nga mikumbela,

⁵ ró poswa kule nga maḓi o sinyuwaho.

⁶ Nga hu rendwe Muṋe washu, ho ngo litsha vha tshi ri ponda;

⁷ ro ponyoka unga tshiṋoni tshi tshi ponyoka tshikwekweni tsha murei; tshikwekwe tsho vunḓea, riṋe ra ponyoka ra shavha.

⁸ Ri tikwa nga dzina ḽa Muṋe washu, Musiki wa ḽiṱaḓulu na ḽifhasi.