DZIPHISALEMA 122 - BIVHILI KHETHWA Mafhungo Madifha

Luimbo lwa u renda Jerusalema hune Mudzimu a dzula na vhathu vhawe Dakalo hu tshi swikiwa

Luimbo lwa Dafita lwe a sikela vho faraho lwendo ho livhiwa Jerusalema.

¹ Ndo takala vha tshi mmbudza vha ri, “Nḓarieni nḓuni ya Muṋe washu!”

² Hee Jerusalema, milenzhe yashu yo ima mafhoroni au!

Vhuyo ha Vhaisraele vhoṱhe

³ Jerusalema, wo fhaṱwa, wo naka hani! Makolo a a vhidzana, a hu na tshidina tsho bvaho ngonani!

⁴ Ndi hune matsinde a Israele a gonya hone, matsinde a Muṋe washu. Vha yo renda dzina ḽa Muṋe washu, nga he a laya Israele.

⁵ Henefho ho ima khuluṋoni dza khaṱhulo, khuluṋoni dza nnḓu ya Dafita.

Mulalo kha u ḓale Jerusalema!

⁶ Rabelani uri Jerusalema hu vhe na mulalo, ni ri, “Ngavhe vhane vha u funa zwi tshi vha nakela.”

⁷ Ngavhe ngomu ha mitsheṱo yau hu tshi vha na mulalo, pfamoni dzau ha vha na pfano.

⁸ Ndi ri, “Mulalo u vhe na iwe!” ndi tshi itela mashaka anga na khonani dzanga.

⁹ Ndi a u rabelela ndi tshi itela nnḓu ya Mudzimu Muṋe washu.