DZIPHISALEMA 120 - BIVHILI KHETHWA Mafhungo Madifha

Mudziamulalo e vhukati ha vha vhengaho mulalo Misevhe ya Mudzimu i lozwaho

Luimbo lwa lwendoni ho livhiwa Jerusalema.

¹ Ndo vhidzelela Muṋe washu ndí khomboni, a mphindula.

² Muṋe washu, nndamukise kha vhadzia-u-zwifha, vha ndimi dza u fhura.

³ Inwi vha ndimi dza u fhura, Mudzimu u ḓo ni itani? U ḓo ni laṱisa hani?

⁴ U ḓo ni pfula nga misevhe ya vhuhali, yo ṱuṱulwaho, a ni fhisa nga masimbe a mudzwiri.

Vha vhengaho mulalo

⁵ Khombo yanga, nṋe ane nda dzula Misheke hu si na mulalo, ane nda dzula na Vhakedara vhadzianndwa!

⁶ Ndo tshilesa na vhane vha vhenga mulalo!

⁷ Nṋe ndi mudziamulalo; ndi tshi amba a mulalo, vhone vha ṱoḓa nndwa.