DZIPHISALEMA 114 - BIVHILI KHETHWA Mafhungo Madifha

Shango ḽi tshi dzinginyea nga mupfuluwo wa Israele

¹ Zwiḽa Vhaisraele vha tshi pfuluwa Egipita, muṱa wa Jakopo u tshi ṱutshela vhathu vha luambo lusili,

² Juda o vha ene hukhethwa ha Mudzimu, Israele a vha muvhuso wawe.

³ Lwanzhe lwo ri u zwi vhona lwa shavha, Jorodani wa ela u tshi humela murahu,

⁴ dzithavha dza thamuwa unga dzithutha, zwikwara zwa khana unga ngwana.

⁵ Iwe lwanzhe, u shavhani? Iwe Jorodani, u humelani?

⁶ Inwi dzithavha, ni thamutshelani unga dzithutha? Inwi zwikwara, ni khanelani unga ngwana?

⁷ Iwe ḽifhasi, tetemela u tshi vhona Ene Muṋe wazwo, u tshi vhona Mudzimu wa Jakopo;

⁸ o shandukisa tombo ḽa vha muhuvhi, ḽiangahwe ḽe ḽa vha ḽo tou te, ḽa vha zwisima zwa maḓi.