DZIPHISALEMA 113 - BIVHILI KHETHWA Mafhungo Madifha

Mudzimu na vhuhulu háwe ha nyadzi muheḓana na u ṱukufhala háwe Vhuhulu ha Mudzimu

¹ Haleluya, nga hu rendwe Muṋe washu! Rendani, inwi vhalanda vha Muṋe washu, rendani dzina ḽa Muṋe ashu!

² Nga hu rendwe dzina ḽa Muṋe washu, u bva zwino na lini na lini.

³ Dzina ḽa Muṋe washu nga ḽi rendwe u thoma vhubvaḓuvha u swika vhukovhela!

⁴ Muṋe washu ndi muhulwane, u vhusa tshakha dzoṱhe, vhugala hawe vhu fhira ḽiṱaḓulu.

Vhuthu ha Mudzimu

⁵ Ndi nnyi ane a nga Mudzimu Muṋe washu, ane a dzula ngei ṱaḓulu,

⁶ a sedza ngeno fhasi kule-kule, a vhona ḽiṱaḓulu na ḽifhasi?

⁷ U vusa mutshinyali buseni, a takusa mushai ḓaleḓaleni,

⁸ a vha dzudza na vhaḓivhalea, vhaḓivhalea vha vhathu vhawe.

⁹ U ṋea muumba haya, a vha mme a vhana, a takala. Haleluya, nga hu rendwe Muṋe washu!