DZIPHISALEMA 112 - BIVHILI KHETHWA Mafhungo Madifha

A no fulufhedzea ha tupulei

¹ Haleluya, nga hu rendwe Muṋe washu! U na mashudu ane a ofha Muṋe washu, a takalela milayo yawe.

² Vhana vhawe vha ḓo vha vhahulwane shangoni, mirafho yoṱhe ya vha si na vhufhura i ḓo vha na mashudu.

³ Ú ḓo khokha madzanga na lupfumo nḓuni yawe, u a fulufhedzea lini na lini.

⁴ Vha si na vhufhura vha vhonetshelwa nga tshedza swiswini; vha na tshilidzi na khathutshelo, vha a fulufhedzea.

⁵ Mapakulile zwi ḓo mu nakela; u tshimbidza mafhungo nga u fulufhedzea.

⁶ Ngoho a no fulufhedzea ha tupulei, vha ḓo mu elelwa lini na lini.

⁷ A tshi pfa mavhi ha nga ofhi; mbilu yawe a i tseki, i fulufhela Muṋe washu.

⁸ Mbilu yawe a i tseki, ha ofhi tshithu; u ḓo fhedza nga u kunda maswina awe.

⁹ Ndi mapakulile, u tonda vhashai, u a fulufhedzea lini na lini; u ḓo ombelwa shambo a huliswa.

¹⁰ Muvhi u ḓo ri u zwi vhona, zwa mu dina, a shenganya maṋo nga mbiti, a fhelela. Zwe muvhi a zwi lavhelela a zwi nga vuwi zwo itea.