DZIPHISALEMA 110 - BIVHILI KHETHWA Mafhungo Madifha

Mudzimu Muṋe wa Dafita Khosi

Phisalema ya Dafita.

¹ Muṋe washu o vhudza khosi muṋe wanga, a ri, “Dzula thungo ya tshauḽa tshanga, ri vhuse roṱhe, ndi vhuye ndi ite maswina au vhukando ha milenzhe yau.”

² Muṋe washu u ḓo u fha luḓo lwa vhuhosi e Tsioni, ha vha u sumbedza maanḓa au a vhuhosi. Ndi zwone, vhusa maswina au.

³ Vhathu vhau vha ḓo vha na dzangalelo ḽa u yo lwa musi u tshi bva pfumo. Vhaṱhannga vhau vha ḓo ḓa ha iwe vhó anda unga ṅwando wo bebwaho nga mapfuvhi a tshi tswuka, vhó ḓiṱama nga vhugala vhukhethwa.

Tshifhe

⁴ Muṋe washu o ana, a nga si tsha shanduka, u ri, “U Tshifhe wa lini na lini nga maitele a Melkitsedeke.”

Muhali

⁵ Muṋe wa zwoṱhe u u tika nga maanḓa awe; musi wa mbiti dzawe u ḓo kuyekanya mahosi;

⁶ u ḓo haṱula dzitshakha, a khokha vhafu, a kuyekanya vhavhusi vha ḽifhasi ḽoṱhe.

⁷ U ḓo nwa maḓi mulambwanani wa tsini ha nḓila, wa wana maanḓa, wa kunda.