DZIPHISALEMA 11 - BIVHILI KHETHWA Mafhungo Madifha

Muṋe washu u pfufha vhavhuya a lifhedza vhavhi Maipfi a vhashushedzi

Phisalema ya Dafita ye a sikela malogwane.

¹ Nṋe ndi khuda nga Muṋe washu, ni itelani-ha ni tshi mmbudza na ri, “Itou fhufha sa tshiṋoni u shavhele thavhani!

² Vhonani vhavhi vho akha vhura, vho vhea musevhe kha lutsinga uri vha pfule wa mbilu mbuya tshiphirini.

³ Zwino arali ha thuthekanywa miteo ya vhuladzashango, a no fulufhedzea a nga kha ḓi itani?”

Mudzimu u hone

⁴ Mathina Muṋe washu u thembeleni yawe khethwa, khuluṋoni ya Muṋe washu i ṱaḓulu, maṱo awe a vhona vhana vha vhathu a sedzulusa zwi re mbiluni dzavho.

⁵ Muṋe washu u ṱola mbilu dza vhavhuya na vhavhi, vhadzianndwa u a vha vhenga.

⁶ Vhavhi u ḓo vha nisela masimbe a dugaho na tsevhela, mukovhe wavho ndi ḓumbu ḽi fhisaho shango.

⁷ Muṋe washu u a fulufhedzea, u funa vhathu vha tshi fulufhedzea; vha si na vhukwila vha ḓo vhona tshifhaṱuwo tshawe.