DZIPHISALEMA 100 - BIVHILI KHETHWA Mafhungo Madifha

Luimbo lwa vhathu vha Mudzimu vho rwa muduba vha tshi ya thembeleni

Phisalema ya u livhuha.

¹ Ḽifhasi ḽoṱhe nga ḽi ṱavhele Muṋe washu mukosi nga dakalo.

² Shumelani Muṋe washu no takala; iḓani khae ni tshi fhululedza.

³ Ḓivhani uri Muṋe washu ndi Ene Mudzimu! Ndi Ene o ri vhumbaho, riṋe ri vhathu vhawe, ri nngu dzine a dzi lisa.

⁴ Dzhenani nga khoro dzawe ni tshi livhuha, ni dzhene miṱani yawe ni tshi mu renda; mu livhuheni ni rende dzina ḽawe.

⁵ Muṋe washu u na vhuthu, lufuno lwawe a lu gumi, u ḓi fulufhedzea, zwi tshi ya nga mirafho na mirafho.