DZIPHISALEMA 1 - BIVHILI KHETHWA Mafhungo Madifha

Bugu ya u thoma (Phisalema 1 – 41) Nḓila mbili Nḓila ya vhutshilo

¹ Wa mashudu ndi uyo munna ane muvhi a sa vhe tsumbanḓila yawe, a sa kandi nḓilani ya vhatshinyi, a si na tshitumbe na vha no nyefula zwa Mudzimu,

² tshawe ha vha u takalela Mulayo wa Muṋe washu, a u elekanya vhusiku na masiari.

³ U nga muri wo ṱavhiwaho khunzikhunzini ya mulambo, u sa fhidzi u aṋwa mitshelo, u sa puti maṱari. Zwoṱhe zwine a ita zwi a mu nakela.

Nḓila ya lufu

⁴ Vhavhi vhone a vho ngo ralo, vha nga mungu u hwalwaho nga muya.

⁵ Ndi zwine khaṱhulo i tshi ḓa vhavhi vha sa ḓo dziba, vhatshinyi a vha nga dzheni khuvhanganoni ya vhavhuya.

Mafhande

⁶ Nḓila ya a no fulufhedzea i lindwa nga Muṋe washu, ya vhavhi yone ndi ya u lovha.