1 KORONIKA 3 - BIVHILI KHETHWA Mafhungo Madifha

Vhana vha khosi Dafita

¹ Vhana vha Dafita vhe vha bebiwa a tshee Hebroni ngevha: wa tanzhe ndi Amunoni, ṅwana wa musadzi a no pfi Ahinuamu wa Jesriele, wa vhuvhili ndi Daniele ṅwana wa musadzi a no pfi Abigaili wa Kharamele,

² wa vhuraru ndi Abisalomo ṅwana wa musadzi a no pfi Maakha ṅwananyana wa khosi Thalamai wa Geshuru, wa vhuṋa ndi Adonia ṅwana wa musadzi a no pfi Hagithi,

³ wa vhuṱanu ndi Shefatia ṅwana wa musadzi a no pfi Abitala, wa vhuṱanu na vhuthihi ndi Ithiriamu ṅwana wa musadzi wawe a no pfi Egila.

⁴ Vhana havho vhaṱanu na muthihi vho bebiwa Dafita a tshee Hebroni he a vhusa miṅwaha miṱanu na mivhili na hafu. Dafita a vhusa e Jerusalema a fhedza miṅwaha ya 33,

⁵ vhana vhawe vhe vha bebiwa henefho ndi Shimia na Shobabu na Nathani na Solomoni. Vhana havho vhaṋa ndi vha musadzi a no pfi Batshiba ṅwananyana wa Amiele.

⁶ Vhana vhaṅwe vha Dafita ndi Ibihara na Elishua na Eliphelete

⁷ na Noga na Nefege na Jafia

⁸ na Elishama na Eliada na Elifelete, vhoṱhe vho ṱangana ndi vhaṱanu na vhaṋa.

⁹ Vhoṱhe havho ndi vhana vha Dafita, hu sa vhaliwi na vhana vhawe vha vhasadzi vha dziphuli. Khaladzi avho o vha e Thamara.

Vha lutsinga lwa khosi Solomoni

¹⁰ Solomoni ndi khotsi a Rehabiamu, khotsi a Abia, khotsi a Asa, khotsi a Josafati,

¹¹ khotsi a Jehoramu, khotsi a Ahasia, khotsi a Juasi,

¹² khotsi a Amasia, khotsi a Azaria, khotsi a Jothamu,

¹³ khotsi a Ahasi, khotsi a Hiskia, khotsi a Manase,

¹⁴ khotsi a Amoni, khotsi a Josiasi.

¹⁵ Vhana vha Josiasi ndi Johanani ene tanzhe, wa vhuvhili ndi Jehoyakimu, wa vhuraru ndi Tsedekia, wa vhuṋa ndi Shalumu.

¹⁶ Vhana vha Jehoyakimu ndi Jehoyakimu na Tsedekia.

Vha lutsinga lwa khosi Jehoyakhini

¹⁷ Vha lutsinga lwa Jehoyakhini wa ḽithubwa ndi Salathiele ane a vha ṅwana wawe wa mutuka,

¹⁸ na Malakhiramu na Phedaya na Shenatsara na Jekamia na Hoshama na Nedabia.

¹⁹ Vhana vha Phedaya ndi Zerubabele na Shimei. Vhana vha Zerubabele ndi Meshulamu na Hanania. Khaladzi avho o vha a tshi pfi Shelomithi.

²⁰ Ha dovha ha vha na vhaṅwe vhaṱanu, vhone ndi Hashuba na Ohele na Berekhia na Hasadia na Jushabu Hesede.

²¹ Vhana vha Hanania ndi Phelatia na Jeshaya khotsi a Refaya, khotsi a Arinani, khotsi a Obadia, khotsi a Shekhania.

²² Ṅwana wa Shekhania ndi Shemaya khotsi a Hatushi na Igala na Baria na Nearia na Shafati, vhoṱhe vho ṱangana ndi vhaṱanu na muthihi.

²³ Vhana vha Nearia ndi Elihwenai na Hiskia na Azirikamu, vhoṱhe vho ṱangana ndi vhararu.

²⁴ Vhana vha Elihwenai ndi Hodavia na Eliashibi na Phelaya na Akubu na Johanani na Delaya na Anani, vhoṱhe vho ṱangana ndi vhaṱanu na vhavhili.