Saam 93 - Intas Etipup

SAAM 93.

Intas va nelcau u Kristo; va natimi alupas o un, im nemda, o un, im nedo upene o un.

¹ ET atimarid a Ihova, et aso yin aien an nat imi alupas o un; et aso yin a Ihova an nemda o un um aroraijirai yin: et lep amen aktit nobohtan, inyi eti amaamai.

² Eris ati aktit natimi alupas unyum itu acen: as eteuc aiek irai iji mesese.

³ Et mun ijinies inmotjan ofowai, ak Ihova, et mun ijinies acen inmotjan ofowai alupas; et lep elelgei nepeau an jap.

⁴ Et esjilid nemda u Ihova an nuarin ijinies o un irai motjai wai alupas, im lep nepeau emda an jap.

⁵ Et inveijec intas asuptecnaig unyum, et idim inveijec; et ohua nedo upene an nimnim unyum, ak Ihova, irai iji mesese.