Saam 92 - Intas Etipup

SAAM 92.

1 Et ahugni atimi a naprofeta mika eri imiahpas Atua, 4 va niji auritai alupas o un, 6 va neruvaig nedo has u ilpu atimi auatatimi, 10 im lep va nedo upene o un vai ilpu atimi ecen va Atua.

¹ ET upene par ago naaurinig vai Ihova, um acesaces nohranitai vai nidam, ak Atua ijinies acen:

² um asuptecnaig naiheuc unyum an nuhialeg, im nedo inveijec unyum irai iji epig,

³ an nitai et amen inya et ten iran, im saltere, im nohrai harp et upene.

⁴ As idim ati nimiacitak an liinmopok aiek, ak Ihova, va nauritai unyum: ekpu imiacitak ainyak va niji auritai an nikmam.

⁵ Ak Ihova, et esjilid acen niji auritai unyum! et lep ubo acen naktaktai unyum.

⁶ Et eti ato a natimi eti eteuc lelen; et eti lep ahaijeg nitai inigki a natimi ahnag.

⁷ Eru wit ededel et idivaig nefelelicai a ilpu atimi auatatimi, eru wit idivaig niji cai elwa a ilpu atimi ago nedo has; uhpu idim auahas ra irai iji mesese:

⁸ ja nai esjilid acen aiek, ak Ihova, irai iji m esese.

⁹ Ak Ihova, et inveijec nitai inigki, erupu emesmas a ilpu atimi tak atimi iram; erupu idim emesmas a ilpu atinni tak atimi iram; uhpu imiterimterim ilpu atimi ago nedo has asega.

¹⁰ Ja na mun imiaridjai natimi alupas unyak aiek, et idivaig nipat u kurimatau aleg: eh mun aspi nyak an narakei mat.

¹¹ Ek mun almoi nitai merit unyak ainyak irai ilpu atimi atpaijinaig nyak; ekpu lep atahaijeg nitai merit unyak ainyak ehele ilpu atimi auatatimi, era aat irak ara.

¹² Erupu umumoh upene a ilpu atimi upene et idivaig neaig: erupu ededel ara et idivaig neijiv Lebanon.

¹³ Ara, ens ah wai ra anliin neom u Ihova, erupu ededel ara irai okoro o Atua uja.

¹⁴ Erupu amen ara um oho an nefatimi ura; erupu emda ara um umumoh;

¹⁵ par asuptecnaig mika, et atoh nedo o Ihova: et hehteuc unyak aien, et lep ti nedo has ehelen.