Saam 87 - Intas Etipup

SAAM 87.

1 Intas va namen u nup an nakalasia im natimi alupas ura. 4 Erupu ahinag ara um amen upene: eri ecen vai ra.

¹ ET eteuc intinai neom ahlap o un irai lola edoon itap.

² Et merit alupas a Ihova vai neucse nathatahau Saion, ja et merit tintin aien vai niji imnim asega u ilpu mapoi Jekob.

³ Er asan tas upene iram, ak inmaliyum u Atua. Sila.

⁴ Ekpu aniv nup Ijipt ainyak im nup u Babelon, um ika, era ato nyak ara: almoi nup u Filistia, im nup u Tairus, im lep nup Idiopia; napu asaig vai ra sji igki aiek mika eris apos ra eahki.

⁵ Uhpu tas vai Saion, um ika, Eris apos iran ilpu atimi iji igki, im lep ilpu atimi iji ehki: etpu lep ati aktit Saion a Atua esjilid acen.

⁶ Etu wit esvi nup urai iji pece a Ihova, um aged nidara, etpu ika aien, Eris apos natimi iji igki eahki athi um athi ehni. Sila.

⁷ Uhpu atahaijeg ilpu atimi acesaces nohrai itai im ilpu atimi ahlai itai, par ika, Et amen iran niji imtaiwai asega unyima.