Saam 83 - Intas Etipup

SAAM 83.

1 Et asan ehti ehele Atua a Esaf vai niji tas alwai u ilpu atimi tak atimi ira ra. 9 Et ugyi Atua aien mika yi aat irai ra sji igki era ehcerucai nup an nakalasia o un ara.

¹ AK Atua, namu jim eucsup aiek: ak Atua emda acen, namu jim eucsimrig aiek, um jim tup amen.

² Era idim aunyauwaig a ilpu atimi tak atimi iram: era imiaridjai nidjini ra natimi iji ig era amcel vai euc ara.

³ Era efaifa ara um tas jipe vai ilpu atimi unyum, um tas alep vai ilpu atimi unyum na adenai ra aiek.

⁴ Era mun ika ara, Apam, um auahas ra, vai eri jim amen an pece ura ara; va uhpu eti lep imiehva nidai nup Isreel.

⁵ Era mun tastas jipe ara, et tup ethi ache inliinmopora ara: era asan tas aktit ara par aat iram:

⁶ nikavaig, nup Itom irai iyum udig ura, im ilpu mapoi Ismeel; im nup u Moab, im ilpu mapoi Hecar;

⁷ im nup u Cibal, im nup Amon, im nup Amalek, im nup u Filistia, im lep nup u Tairus;

⁸ eris lep apol ira ra a nup Asiria: eris atau imi ilpu mapoi Lot ara. Sila.

⁹ Namu ago vai ra aiek, et idivaig as ago vai nup u Mitian aiek; im lep vai Sisera, im lep vai Jebin, an niskanse Kaison:

¹⁰ eris auahas ra Entor: eris idivaig nohok ara er aheh an nobohtan iran.

¹¹ Namu ika aiek eri idivaig Oreb im lep Siib a ilpu atimi alupas ura: um lep idivaig Siba im Salmuna ilpu atimarid asega ura:

¹² era mun ika ara, Intumu leh imi caija akaija nuarin pece iji ig et amen iran a Atua im ilpu atimi o un.

¹³ Ak Atua unyak, namu ika aiek eri idivaig narasi itai et arehed an nuhup u nimtinjap.

¹⁴ Et idim atnamud niji cai an nese incap, um lep cas niji edoon va nalaume u incap;

¹⁵ et idim uco, namu ahau ra aiek an nehio unyum, erupu lep imtitaig ara va naop yi atmas unyum.

¹⁶ Namu ika aiek eri ehcamai alupas ara; va erupu ahilek nidam natimi, ak Ihova.

¹⁷ Erupu ehcamai ara, um imtitaig alupas irai iji mesese; erupu etehto ara um emesmas:

¹⁸ va erupu ato natimi, mika nai esjilid acen aiek ache an nobohtan asega: nidam nigki Ihova.