Saam 82 - Intas Etipup

SAAM 82.

1 Et ated, ilpu atimi alupas an pece a Esaf, 5 um acaiji ra va nedo auatialidi ura. 8 Et lep ugyi Atua aien, mika yi almaijidjid atimi aien.

¹ ET aiji a Atua u nasjapicnaig u ilpu atimi alupas; et tas alep aien ehele ilpu atimarid, um ika ehele ra:

² Akupu tas alep has aijaua um yetpan an nahopan, um aiheuc vai ilpu atimi auatatimi? Sila.

³ Akumu ago nedo upene aijaua vai ilpu atimi auatialidi im ilpu umnij: um ago nedo atoh vai ilpu atimi ohocred im ilpu ihki atimi.

⁴ Akumu imiatamaig ilpu atimi auatialidi im ilpu ihki atimi aijaua: um iknipagki ra an nikmai ilpu atimi auatatimi.

⁵ Era eti ato itai ara, um eti aktaktai; era atga an napat ara: et amaamai intinai nobohtan asega.

⁶ Kis ika ainyak, Eka idivaig ilpu atua aijaua; eka lep idivaig ilpu hal u Atua esjilid acen aijaua asega.

⁷ Ja akupu idim emesmas aijaua et idivaig tup atimi; uhpu atgei caua et idivaig tah irai ilpu atimi alupas.

⁸ Ak Atua, namu atidai aiek, um tas alep vai nup uran nobohtan: napu idim atimarid u nup urai iji pece asega aiek.