Saam 7 - Intas Etipup

SAAM 7.

1 Et ugyi Atua a Tevit va nedemda u ilpu atimi tak atimi iran, um ika, et eti ago nedo has vai ra aien. 10 Et ecetai nitai imiatamaig yin aien an nimiisjis ninveijec o un, im lep nitai auahas ilpu atimi edemda vai yin.

¹ AK Ihova Atua unyak, ek asgeig iram ainyak: namu imicoho nyak aiek, um imialep nyak vai ra asega era atmas vai nyak ara;

² vai eri jim ces yi oplecoplec nyak ara et idivaig laion, um auahas nyak, etu wit eti eteuc tah par imiatamaig nyak.

³ Ak Ihova Atua unyak, el ekis a go nedo inigki ainyak; el is ago nedo has nikmak ainyak;

⁴ el ekis agahas ainyak vai etwak; um atoraliak itai o un is ispun edemda vai nyak aien;

⁵ etmu ahau nyak a natimi tak atimi irak, um arop irak; maiya, etmu auwihi se nyak aien an nobohtan, um ethaigse natimi alupas unyak an mah an nobohtan. Sila.

⁶ Ak Ihova, namu atidai aiek an nedemda unyum, um ahlaahos jai vai intavaitap o ilpu atimi tak atimi irak: um aiji lahlah vai nyak, um ago neruvaig iyehki ira ra as asaig aiek.

⁷ Erumu asjapicnaig a nup urai pece um arehed iram: namu lep ateuc aiek ijinies ira ra an nuarin ijinies unyum.

⁸ Etpu ago neruvaig irai nup urai pece a Ihova; etmu idivaig nedo atoh unyak nimtan imi nyak, ak Ihova, um lep idivaig nedo unvak et atoh asega.

⁹ Ek ika ainyak, Etmu tiih nedo has o ilpu atimi auatatimi; jam ikni aktit ilpu atimi upene aiek: et idim ahilek inliinmopoi atimi im naktaktai ura a Atua inig, et atoh nedo o un.

¹⁰ Et itai atapnes itai auahas nyak a Atua inig, et imiatamaig ilpu atimi inveijec inliinmopora aien.

¹¹ Et aru nedo o ilpu atimi upene a Atua, et lep edemda a Atua vai ilpu atimi auatatimi irai iji adiat.

¹² El era eti adumoij an nefalaig has ura ara, etpu atineijin nauitoga o un aien; et mun aiyihi inceen nefana o un aien, um ahecatoh pan ira ra.

¹³ Et mun amatata an nij va atimi cri emesmas vaig aien vai ra; etpu ika aien yi idivaig incap nefana o un.

¹⁴ Era idim ohocred ara va nedo has; era mun aktaktai intakitai ara, um ago nedo efaifa.

¹⁵ Eris ago nehpanitai ara um ucji ubo; ja era mun eduije ara anliin nehpanitai inig eris ago ara.

¹⁶ Etpu adumoij pam nedo has ura irai idjinira; etpu lep asuol nehcerucai atimi ura ijinies irai ipji ipek ma.

¹⁷ Ekpu imiahpas Ihova ainyak va nedo atoh o un; ekpu lep acesaces nohranitai ainyak vai nidai Ihova esjilid acen.