Saam 67 - Intas Etipup

SAAM 67.

1 Et alaigaheni a Tevit mika yi alupas nelcau u Atua, 3 mika eri imiacitak natimi, 6 im lep mika yi ahinag niji itai upene u Atua. Imi Natimi inig et esjilid irai ilpu atimi aces ohraiitai aien, irai itai er atcei et eteuc niji ya iran. Saam nigki par imiahpas Ihova vaig.

¹ AK Atua, namu aiheuc vai cama aiek, um asan tas acis yi alwai cama; um ika yi upene nes-ganimtan vai cama; Sila.

² Va uhpu ato nedo unyum an nobohtan; im nedo imiatamaig atimi unyum irai iji pece asega.

³ Ak Atua, erupu naaurinig vai euc a nup urai iji pece; erupu naaurinig vai euc a nup urai iji pece asega.

⁴ Erupu imiacitak a nup urai iji pece, um acesaces nohranitai: vaig inig nikavaig, napu tas alep atoh aiek va atimi, um atau irai nup urai iji pece an nobohtan. Sila.

⁵ Ak Atua, erupu naaurinig vai euc a nup urai iji pece; erupu naaurinig vai euc a nup urai iji pece asega.

⁶ Ja et mun ohwai itai upene inpece; napu lep asan tas acis yi alwai cama aiek, ak Atua; na idim Atua unyima aiek.

⁷ Napu asan tas acis yi alwai cama aiek, ak Atua; erupu lep imtitai euc a nup uran nobohtan asega.