Biblia Todo Logo
Bìoball air-loidhne

- Sanasan -

Saam 64 - Intas Etipup


SAAM 64.
1 Et ugyi Atua a Tevit mika yi imiatamaig yin; et asan ehti vai ilpu atimi edemda vai yin aien. 7 Et ika aien, eri imiacitak a ilpu atimi upene, uhu wit auahas ilpu atimi tak atimi iran an nuhup u atimi asega.

1 AK Atua, namu atahaijeg intas taigtaig unyak aiek an nalaigaheni unyak: napu imiatamaig nyak aiek, vai ki jim imtitaig natimi edemda vai nyak ainyak.

2 Napu adenaig nyak aiek vai intas efaifa u ilpu atimi auatatimi; im lep nehtauo o ilpu atimi ago nedo has:

3 era atineiji nipjineucsera ara et idivaig nauitoga, um aiyihi nefana ura, intas acen marom;

4 mika eri atcijaig nefana ura ara an nuarin adenaig vai ilpu atimi upene; era auroauro ara um atcijaig nefana ura vai ra et atoh asega nedo ura, um eti imtitaig.

5 Erupu ago emda ra ara an tas has ura; erupu tas jipe ara, um ika, eri adenaig itai apro itai ara; era ika ara, etpu alum ra a di?

6 Era ahilek niji edo maumau ara; um ika, Inta ahilek emda akaija um ago ehni; et elika par ato naktaktai u inliinmopora ara asega.

7 Ja et mun aticijaig nidjan nefana o un vai ra a Atua; et mun auroauro aien um ahcai ra.

8 Et mun ika aien, eri epihtau ara, et mun yetpan ira ra intas ura: erupu aha ara asega era alum ra ara.

9 Era imtitaig natimi asega, um ika, Nauritai u Atua nigki; era lep aktaktai nedo o un ara.

10 Erupu imiacitak Ihova a ilpu atimi upene, um asgeig iran; erupu lep cediaig a ilpu atimi asega et inveijec inliinmopora.

Vanuatu Bible (Intas Etipup) © United Bible Societies, 1863, 2019.

United Bible Societies
Lean sinn:



Sanasan