Saam 60 - Intas Etipup

SAAM 60.

1 Et asan ehti ehele Atua a Tevit va neruvaig nedo has ura an nopan iyehki. 4 Et aitgai itai upene aien an nopan inig, um ugyi Atua mika yi imiatamaig yin. 6 Et imiisjis ninveijec intas upyi asaig u Atua aien, um ago eropse inliinmopon vaig; et alaigaheni aien va nitai imiatamaig yin iyehki et asgeig iran aien.

¹ AK Atua, na mun atcijaig cama aiek, na mun imiterimterim cama aiek, na mun edemda aiek: namu ahidaig pam enc ehelema aiek.

² Na mun ika aiek yi eucjeucjeucaij nobohtan; na mun ehtoplecoplec aiek; namu ago upene niji uarin umohau: et idim amaamai.

³ Na mun ehvaig niji itai elika ehele ilpu atimi unyum aiek: na mun alumama waina aiek er atga molmol vaig.

⁴ Na mun alupai ilpu atimi imtitai euc nitaahlaig aiek, mika eri atijai vai intas inveijec unyum. Sila.

⁵ Va uhpu imiatamaig ilpu halav cap unyum; namu imiatamaig cama aiek au matam, um atahaijeg intas unyima.

⁶ Is ika a Atua an tas itap o un: Ekpuimiacitak ainyak, ekpu ahaig Sikem ainyak, um atiakoai sjipe niskanse Sukod.

⁷ Et unyak inpece Cileat, et unyak inpece Manasi; era ilpu atimi emda esjilid unyak a nup Ifreem; era lep ilpu atimi tas alep unyak a nup u Juta;

⁸ erupu auaraheca unyak a nup u Moab; ekpu tas alep ainyak vai nup Itom; erupu imiaiji intas unyak a nup u Filistia.

⁹ Etpu imiapan nyak an maliyum inig et eteuc nathatahau iran a di? et mun atau pan irak an pece Itom a di?

¹⁰ Aiek marom, ak Atua, as atcijaig cama aiek; aiek, ak Atua, as eti ahced ilpu eucsupo unyima aiek, um uhup ira ra.

¹¹ Namu atau imi cama aiek va nohocred unyima; era idim auatialidi natimi par atau imi cama.

¹² Ecrupu emda aijama vai Atua; etpu idim auwihise ilpu atimi tak atimi irama aien.