Saam 6 - Intas Etipup

SAAM 6.

1 Intaigtaig u Tevit nigki an nemehe iran. 8 Et esjilid irai ilpu atimi tak atimi iran aien an nimiisjis ninveijec o un.

¹ AK Ihova, namu jim ated nyak aiek an nedemda unyum, um jim aredei nyak an tavaitap alupas unyum.

² Ak Ihova, namu aiheuc vai nyak aiek; ek idim auatialidi ainyak: ak Ihova, namu ago cehcehe nyak aiek, nikavaig, et eucjeucjeucaij niji eduok ainyak.

³ Et lep ehioehio alupas inliinmopok ainyak: ak Ihova, napu udei nyak aiek um yetpan an nahopan?

⁴ Ak Ihova, namu adumoij pam aiek, um ahiyi nyak; namu imiatamaig nyak aiek va naiheuc unyum.

⁵ Era idim eti imiehva euc a ilpu atimi emesmas: etpu naaurinig vai euc a di umaatmas?

⁶ Et esvi nyak naawe unyak; et ahga intinak ainyak irai iji epig; et edin nitai ahled unyak irai idi imtak.

⁷ Et apat nesganimtak ainyak vai intaig unyak; et idivaig nesganimtai ilpu efatimi vai ilpu atimi tak atimi irak asega.

⁸ Akumu udei nyak aijaua asega, ak ilpu atimi ago nedo has; vaig inig nikavaig, et mun atahaijeg nohran taig unyak a Ihova.

⁹ Et mun atahaijeg intas ugyi unyak a Ihova; etpu adai intas alaigaheni unyak a Ihova.

¹⁰ Erumu ehcamai a ilpu atimi; tak atimi irak asega, um ohocred alupas; erumu adumoij ara, um auroauro um ehcamai.