Saam 59 - Intas Etipup

SAAM 59.

1 Et ugyi Atua a Tevit mika yi imiatamaig yin vai ilpu atimi tak atimi iran. 6 Et asan ehti aien va nehcerucai yin ura. 8 Et asgeig ira Atua aien. 11 Et ugyi Atua aien mika yi aat ira ra aien. 16 Et imiahpas Atua aien.

¹ AK Atua unyak, namu imialep nyak aiek vai ilpu atimi tak atimi irak: napu aminjinai nyak aiek vai ra sji igki era aat irak ara.

² Namu imiatamaig nyak aiek vai ilpu atimi ago nedo has, um imicoho nyak vai ilpu atimi atgei atmas.

³ Vaig inig nikavaig, era ahpaijinai nyak ara par atgei nyak; era asjapicnaig a ilpu atimi emda um aat irak; jam eti va nedo imipalea unyak, um eti va nedo has unyak, ak Ihova.

⁴ Era athut jipe ara, um aat irak, ja et ti nedo has unyak: namu aiji lahlah aiek par atau irak, um almoi nedo ura.

⁵ Ak Ihova, Atua esjilid acen, im Atua u nup Isreel, namu aiji lahlah aiek, um ateghe nup urai pece asega: um jim aiheuc vaig tah et auatatimi aien um ahcil. Sila.

⁶ Era adumoij pam an jupura ara: era aunyauwaig ara et idivaig kuri, um arehed an maliyum.

⁷ Et idim ahinag intas ura; et idivaig nauitoga nipjineucsera: era ika ara et ti tah par atahaijeg ra.

⁸ Ja napu imilaav ra aiek, ak Ihova; napu imiafakahcil nup urai iji pece asega aiek.

⁹ Ekpu asgeig iram ainyak va nemda ura: et idim atapnes ra vai nyak a Atua.

¹⁰ Etpu aubilid nyak a Atua unyak, um aiheuc vai nyak; etpu ika a Atua, ki almoi neruvaig vai nyak ainyak irai ilpu atimi tak atimi irak.

¹¹ Namu jim atgei ra aiek, va eri jim eti imiehva euc a nup uran pece unyak: namu ika aiek eri ahnag jipe ara, um erekhaigse ra an nemda unyum: ak Natimarid, na atapnes ra aiek vai cama.

¹² Nedo has an nipjineucsera nigki, nikavaig, intas has et ahes nau, uhmu apro ra an nedo ijinies ura: im lep vai intas has ura, im intas ahcil erupu asaig ara.

¹³ Namu auahas ra aiek an tavaitap unyum, auahas ra mika eri tiih ara: erumu ato natimi an nobohtan asega mika, et atimarid u ilpu mapoi Jekob a Atua. Sila.

¹⁴ Erumu adumoij pam an jupura ara; erumu lep aunyauwaig ara et idivaig kuri, um arehed an malivum.

¹⁵ Erumu atga sjipe ara, um ahilek nitai caig incara; era wat eti geije ara, erumu lep amen ara um ahilek irai epig asega.

¹⁶ Ja ekpu acesaces nohranitai ainyak va nemda unyum; ekpu imiahpas alupas naiheuc unyum ainyak an nuhialeg: na mun idim uarin adenaig unyak aiek, im nuarin atpuh iran unyak, va nohocred unyak.

¹⁷ Ekpu acesaces nohranitai vai euc ainyak, ak nemda unyak: et uarin adenaig unyak a Atua, Atua inig marom, et aiheuc vai nyak aien.