Saam 57 - Intas Etipup

SAAM 57.

1 Et aha ehele Atua a Tevit an nailaigaheni o un, um asan ehti vai ilpu atimi edemda vai yin. 7 Et ahugni yin aien par imiahpas Atua.

¹ AIHEUC vai nyak, ak Atua, aiheuc vai nyak: et mun asgeig iram inliinmopok ainyak: ekpu atpuh ainyak ithan naiyu an nehpam, um imihum pan an nopan iyehki etpu tiih nohocred iji igki.

² Ekpu ahlaig vai Atua esjilid acen ainyak; vai Atua emda acen et ago ehni itai vai nyak aien.

³ Etpu ika aien an nohatag, eri imiatamaig nyak vai intas has o un, et merit aien nauahas nyak vaig. Sila. Etpu ehvaig naiheuc o un a Atua im nedo inveijec o un.

⁴ Ek amen ehele laion ainyak: ekpu asjeuc ainyak ehele ra sji igki et ere intavaitap ura, natimi iji igki marom, et idivaig nidjai mopul im efana neijira, et lep idivaig nauitoga arig nipjineucsera.

⁵ Ak Atua, na idim esjilid aiek ijinies an nohatag; etmu lep esjilid natimi alupas unyum an nobohtan asega.

⁶ Eris ago nopoig va neduok ara; eris avise nyak ara; eris ucji nehpanitai an nuhup unyak ara, ja eris eropropse anliin ara. Sila.

⁷ Et amen aktit inliinmopok ainyak, ak Atua, et idim amen aktit inliinmopok ainyak: ekpu acesaces nohranitai ainyak, um imiahpas euc.

⁸ Etmu aiji lahlah inliinmopok ainyak; etmu aiji lahlah saltere im harp: ekpu aiji lahlah ainyak an nuhialeg.

⁹ Ak Natimarid, ekpu ago naaurinig vai euc ainyak an nuhup u nup urai iji elcau; ekpu imiahpas euc ainyak au nuhup u uup urai iji pece.

¹⁰ Nikavaig, et alupas naiheuc unyum um yetpan an nohatag, et lep yetpan nedo inveijec unyum an napat an nohatag.

¹¹ Ak Atua, namu esjilid aiek ijinies an nohatag; etmu lep esjilid natimi alupas unyum an nobohtan asega.