Saam 54 - Intas Etipup

SAAM 54.

1 Et asan ehti va nup u Sif a Tevit, um ugyi Atua mika yi imiatamaig yin aien. 4 Et asgeig ira Atua aien mika yi atau imi yin, um ika, etpu ahlap an nitai ahlap aien.

¹ AK Atua, namu imiatamaig nyak aiek va nidam; napu imialep nyak aiek an nemda unyum.

² Ak Atua, namu atahaijeg nalaigaheni unyak aiek, um adai intas an nipjineucsek.

³ Era mun atidai vai nyak a nup urai taka uarin, era lep ehcerucai nyak a ilpu atimi iji ig era ika ara eri atgei nyak; era eti aktaktai Atua ara. Sila.

⁴ Et idim atau imi nyak a Atua: et amen a Natimarid ehele ra sji igki era aminjinaig nyak ara.

⁵ Etpu aru nai ilpu atimi edemda vai nyak aien au nohocred iyehki; namu auahas ra aiek et idivaig intas inveijec unyum.

⁶ Ekpu ahlap vai euc ainyak an nitai ahlap inig et ispuk ahes an liinmopok: ak Ihova, ekpu imiahpas nidam aiuyak; et idim upene nedo inigki.

⁷ Et mun idim imiatamaig nyak aien va nohocred asega unyak: ek mun lep almoi neruvaig irai ilpu atimi tak atimi irak ainyak.