Saam 52 - Intas Etipup

SAAM 52.

1 Et asuptecnaig nedemda u Toec a Tevit, um upyi asaig mika uhpu auahas yin. 6 Erupu imiacitak vaig a ilpu atimi upene. 8 Et asgeig ira Atua a Tevit va naiheuc o un, um ago naaurinig vaig.

¹ AK natimi emda, na a uri aiek par imiacitak nedo has? et ago nedo aiheuc a Atua emda acen irai iji adiat.

² Et aktaktai nedo has nipjineucsem; et lep idivaig resor arig, et efaifa nedo o un.

³ Nai merit aiek va nedo has, jam eti merit va nedo upene: nai lep merit vai intas ahcil aiek, jam eti merit vai intas inveijec. Sila.

⁴ Et merit nipjineucsem efaifa vai niji tas asega et auahas atimi.

⁵ Et idim uco, etpu auahas euc a Atua irai iji mesese; etpu atipagki euc aien, um atoraliak euc an nimnim unyum, um ateucrei euc an nobohtan era umumoh natimi iran. Sila.

⁶ Erupu lep ecetai a ilpu atimi upene, um imtitaig, um imilaav yin, um ika,

⁷ Almoi natimi inig et esjum aien par leh ira Atua nemda o un; ja et ika aien yi asgeig an naga o un et alupas, um ika et emda aien an nedo auatatimi o un.

⁸ Ja ek idivaig incai oliv mat ainyak anliin neom u Atua, ek mun asgeig ainyak an naiheuc u Atua irai iji mesese asega.

⁹ Ekpu ago naaurinig vai euc ainyak irai iji mesese, nikavaig, as ago nitai inig aiek: ekpu asgeig an nidam ainyak an nuhup u ilpu atimi upene unyum; et idim upene nidam.