Saam 48 - Intas Etipup

SAAM 48.

Intas nigki va neklim upene im namen upene u nup an nakalasia.

¹ ET esjilid a Ihova, et lep upene mika eri imiahpas alupas yin an maliyum u Atua uja, an nedoon itap o un.

² Et eklim upenc nijinies u nedoon Saion, era imiacitak vaig a nup uran nobohtan asega; et eteuc inmaliyum u Natimarid esjilid an nahaijin nord.

³ Er ato Atua irai iji imnim atimi o un mika, et uarin adenaig uja aien.

⁴ Eris idim asjapicnaig a ilpu atimarid, eris lep ehras atga ura ara.

⁵ Eris ecetai ara, um imiali; eris etehto ara, um aha.

⁶ Eris eucjeucjeucaij ara, um ohocred, et idivaig intakata inig et apos inhal o un aien.

⁷ Napu auhoig yi agrei niji elcau Tarsis aiek an natoga.

⁸ Inta mun idim ecetai nitai iji igki akaija, et idivaig intis atahaijeg vaig akaija, an maliyum u Ihova esjilid acen, an maliyum u Atua uja marom: etpu ati aktit a Atua irai iji mesese. Sila.

⁹ Ak Atua, ecris aktaktai naiheuc esjilid unyum aijama anliin neom itap unyum.

¹⁰ Ak Atua, era imiahpas euc a nup uran nobohtan asega va nidam: et ohua nedo atoh an matam.

¹¹ Erumu imiacitak natimi an nedoon Saion, erumu lep cediaig a ilpu takata Juta, va nedo ated atimi unyum.

¹² Akumu ahparehed Saion aijaua, um arehed iran; um esvi niji uarin easeas u ilpu eucsupo.

¹³ Akumu aktaktai upene nathatahau o un aijaua, um ado pan irai iji imnin o un; va akupu asuptecnaig aijaua ehele atimi an taka opan.

¹⁴ Et Atua uja a Atua inigki irai iji mesese; etpu atau aien um yetpan an nopan mas uja.