Saam 46 - Intas Etipup

SAAM 46.

1 Intas nigki va natgeig ira Atua u nup an nakalasia o un. 8 Er ahugni atimi par almoi nedo o un.

¹ ET uarin adenaig uja a Atua im nemda uja; et mun lep atau upene imi caija aien an nopan ohocred uja.

² Va nitai inigki, intupu eti imtitaig akaija, etu wit eche nobohtan; im lep inig, uhu wit erekhaigse niji edoon anliin jap;

³ etmu lep auoc alupas injap, um lep agrei, um lep amaamai niji edoon va nepeau iran. Sila.

⁴ Et eteuc nofowai et ethi, er imiacitak vai wai yah iran an maliyum u Atua, nuarin itap inig et amen iran a Atua esjilid acen.

⁵ Et amen iran a Atua; inyi idim eti amaamai: etpu atau iran a Atua an nuhialeg.

⁶ Eris aunyauwaig a nup urai iji pece; eris lep eucjeucjeucaij a nup urai iji elcau: et mun efehtas aien, etpu lep ahtitiri nobohtan.

⁷ Et amen eheleija a Ihova esjilid acen; et uarin adenaig uja a Atua u Jekob. Sila.

⁸ Apam aijaua, um almoi niji auritai u Ihova; et mun ika aien yi umaruma nobohtan.

⁹ Et ika aien, eri asan nigpa an nobohtan asega; etpu asvi inceen efana aien, um ahtaldei mopul; etpu atnamud niji jariot an cap aien.

¹⁰ Akumu udei aijaua, um ato, mika ek Atua ainyak; ekpu esjilid ainyak an nuhup u nup urai iji pece; ekpu lep esjilid ainyak an nobohtan.

¹¹ Et amen eheleija a Ihova esjilid acen; et uarin adenaig uja a Atua u Jekob. Sila.