Saam 43 - Intas Etipup

SAAM 43.

1 Et alaigaheni a Tevit mika uhpu imiadumoij pan yin an neom itap, um ika, etpu ago nauritai u Atua aien um cediaig. 5 Et ahugni inliinmopon aien par asgeig ira Atua.

¹ AK Atua, namu ago nedo atoh vai nyak aiek, um imiisjis vai nyak ehele nup uran pece inig, era eti ago nedo updak ara; namu imiatamaig nyak aiek vai ilpu atimi efaifa im ilpu atimi ago nedo has.

² Na idim Atua unyak aiek im nemda unyak; na a uri aiek par atcijaig nyak? ek a uri ainyak, er idim ika ki atga jipe ainyak um taig, va natmas piv u ilpu atimi edemda vai nyak?

³ Etmu ahes ehelum inlah unyum, im intas inveijec unyum, par atau irak; uhmu lep imiapan nyak an nedoon itap unyum, im lepirai iji eom amen iran unyum.

⁴ Ekpu lep apan ainyak u natau u Atua, Atua inig marom, ek imiacitak alupas yin ainyak: ekpu imiahpas euc ainyak nai harp, ak Atua, Atua unyak.

⁵ Et auatialidi inliinmopok ainyak vanhe et lep ehioehio vanhe? etmu aitgaig Atua inliinmopok ainyak: ekpu idim imiahpas yin ainyak, et ika aien yi lah nesganimtak ainyak, et lep Atua unyak aien.