Saam 36 - Intas Etipup

SAAM 36.

1 Intas nigki va namen has u ilpu atimi auatatimi. 5 Et esjilid,naiheuc u Atua. 10 Et ugyi Atua a Tevit mika yi aiheuc vai ilpu atimi o un aien.

¹ ET ika a natimi ago nedo has an liinmopon va nauatatimi o un, Ek eti imtitai Atua ainyak.

² Et mun idim ago nedo efaifa vai yin aien, um ika, inyi eti ecetai nedo has o un a Atua, um amcelvaig.

³ Et ahcil um efaifa intas an nipjineucsen; et mun udei nedo arapakau aien, im nedo atoh.

⁴ Etpu aktaktai nedo ahcil aien an tinan; etpu aiji aktit aien an nefalaig inig et has; etpu eti amcel vai nedo has aien.

⁵ Ak Ihova, et eteuc naiheuc unyum an nohatag; et lep yetpan nedo inveijec unyum nauanohatag au napat an.

⁶ Et idivaig niji au ijinies acen nedo atoh unyum; et lep idivaig intupahuahau nedo ated atimi unyum: ak Ihova, era umumoh vai euc natimi, im niji itai eklim edo irai pece.

⁷ Et idim esjilid acen nedo aiheuc unyum, ak Atua; va nitai inigki, erupu atpuh upene natimi itlian naiyu an nehpam.

⁸ Erupu geije alupas ara irai iji itai upene anliin neom unyum; napu lep ika aiek, eri umwig ara an nofowai irai itai upene unyum.

⁹ Et idim ahes ehelum nitai umoh iran: ecrupu lep ecetai inlah aijama vai inlah unyum.

¹⁰ Etmu amen naiheuc unyum vai ra sji igki era ato euc ara; im lep nedo atoh unyum vai ilpu atimi inveijec inliinmopora ara.

¹¹ Etmu jim ham ehelek neduei ilpu atimi ijinies inliinmopora; etmu jim lep ahlo nyak nikmai ilpu atimi auatatimi.

¹² Era mun idim eropropse a ilpu atimi auatatimi: er auhaigse ra, etpu ehka vai ra par atidai.