Saam 35 - Intas Etipup

SAAM 35.

1 Et ugyi Atua a Tevit mika yi aminjinaig yin, um reiman jipe ilpu atimi tak atimi iran. 11 Et taig tas aien va nedo acalacal ura. 22 Va nitai inigki, et ahugni Atua aien mika yi aat ira ra aien.

¹ AK Ihova, namu imiisjis aiek ehele ra sji igki era imiisjis ehelek ara: um auahas ra sji igki era ika ara eri auahas nyak.

² Namu asjiraig nitai atapin im nitai adahpoi aiek, um atidai par atau imi nyak.

³ Namu lep leh inmopul aiek, um atapnes nefalaig vai ra sji igki era ahau nyak ara: um lep ika ehelek, Et imiatamaig euc ainyak.

⁴ Erumu ehcamai um imtac ara sji igki, era ahilek nyak ara par auahas nyak: uhmu imiadumoij pan ra sji igki, era aktaktai itai has ara par ago vai nyak, erumu lep imtitaig alupas ara.

⁵ Erumu idivaig narasi korn ara et ahlaadig nimtinjap: etmu lep auud ra a nagelo o Ihova.

⁶ Etmu apat um umlas nefalaig ura: etmu lep ahlo ra a nagelo o Ihova.

⁷ Va nedo ura, nikavaig, eris ispara adenaig nopoig ura ara; eris ispara ucji nehpanitai vai nyak ara par leh nyak.

⁸ Etmu yetpam ira ra nitai auahas ra, etu wit eti ato ara; erumu lep ecen ara an nopoig ura eris adenaig ara: erumu idim eropropse ara an nitai auahas ra iyehki.

⁹ Ja etpu imiacitak Ihova inliinmopok ainyak, ura cediaig va nimiatamaig nyak o un.

¹⁰ Etpu ika nohuk asega, Ak Ihova, et idivai euc a di, na imiatamaig ilpu atimi ohocred aiek vai ra era esjilid ira ra ara, ilpu atimi ohocred im ilpu ihki atimi marom, vai ra era atoraliak itai vai ra ara

¹¹ Era atidai a ilpu atimi asuptecnaig intas edemda; era ahodai nyak ara vai itai iji ig kis eti ato vaig ainyak.

¹² Era aru nedo upene unyak ara an nedo has, et ihkin natimi inliinmopok ainyak vai ra.

¹³ Ja eris wat emehe ara, kis aso nyak ainyak an napelumai uucai: kis atwakam ainyak um auoh ohocred nyak, ja etpu adumoij pam ehelek nalaigaheni unyak vai ra.

¹⁴ Kis ago nedo vai ra ainyak et idivaig nedo vai ilpu apa unyak im ilpu etwak; kis atpuse emeigmei ainyak, et idivaig tah et imitaig risin aien.

¹⁵ Ja eris imiacitak natga has unyak ara, um asjapicnaig; eris idim asjapicnaig um aat irak a ilpu atimi atga has, ja kis eti ato ainyak; eris atuh nyak ara, um eti atumop.

¹⁶ Eris ataktit eijira vai nyak ara, im lep ilpu ihki atimi iji ig era auyat ara mika eri leh nitai caig.

¹⁷ Ak Natimarid, napu tup alum ra aiek um yetpan an nahopan? namu imiadumoij pam nyak aiek va naktaktai has ura, im nesgak, et echim amen, va laion emda iji igki.

¹⁸ Ekpu ago naaurinig vai euc ainyak an nasjapicnaig esjilid u atimi: ekpu imiahpas euc ainyak an nuhup u atimi et ahinag.

¹⁹ Erumu jim imiacitak vai nyak ara sji igki era ispara edemda vai nyak ara: erumu jim lep asvapni nesganimtara ara sji igki, era ispara amcel vai nyak ara.

²⁰ Nikavaig, era eti asan tas igpa ara: ja era aktaktai intas ahcil ara vai ra sji igki, era amen igpa ara an pece

²¹ Era mun ahag vai nyak ara, um ika, Aha, aha; inta mun ecetai akaija.

²² Ak Ihova, na mun ecetai aiek; namu jim eucsup aiek: ak Natimarid, namu jim amen itac acen aiek vai nyak.

²³ Namu atidai aiek, um aiji lahlah, um tas alep vai nyak, im lep va nedo unyak, ak Atua unyak, im Natimarid unyak.

²⁴ Ak Ihova Atua unyak, namu tas alep vai nyak aiek, et idivaig nedo atoh unyum; erumu jim imiacitak vai nyak ara.

²⁵ Erumu jim ika an liinmopora ara, Ya, nitai merit uja nigki: erumu jim ika ara, Inta mun auahas yin akaija.

²⁶ Erumu ehrehcamai um has nesganimtara ara sji igki, era imiacitak ara va nohocred unvak: erumu ehcamai um imtitaig alupas ara sji igki, et ijinies inliinmopora ara vai nyak.

²⁷ Erumu acesaces nohranitai um imiacitak ara sji igki, era ika ara et atoh nedo unyak: erumu lep ika ara irai iji adiat, Uhmu imiahpas Ihova, Atua inig et ika aien yi amen upene a naheca o un.

²⁸ Va nitai inigki, ekpu tas ainyak va nedo atoh unyum, um imiahpas euc irai iji adiat asega.