Saam 30 - Intas Etipup

SAAM 30.

1 Et imiahpas Atua a Tevit va nedo o un par imiatamaig yin. 4 Et ated atimi aien mika eri imiahpas Atua ara va nedo o un vai yin.

¹ EKPU imiahpas euc ainyak, ak Ihova; nikavaig, na mun imiatidai jai nyak aiek, um atapnes ilpu atimi tak atimi irak, vai eri jim cediaig vai nyak ara.

² Ak Ihova Atua unyak, kis ahlaig vai euc ainyak, as lep ago cehcehe nyak aiek.

³ Ak Ihova, na mun atipagki nyak aiek an nehpanitai; na mun imiatumumoh nyak aiek, vai ki jim asuol anliin nehpanitai ainyak.

⁴ Akumu acesaces nohranitai vai Ihova aijaua, ak ilpu atimi upene o un, um ago naaurinig, aku wit imiehva nedo upene o un aijaua.

⁵ Et eti elvamen nedemda o un; er umumoh va naiheuc o un; er ehtigtaig an jupura, jam imiacitak an nuhialeg.

⁶ Kis idim ika ainyak, an namen upene unyak, Inki eti amaamai ainyak irai iji mesese.

⁷ Ak Ihova, as ati aktit nemda u natimi alupas unyak aiek an tup naiheuc unyum: as adenaig nesganimtam aiek, kis etehto ainyak.

⁸ Ak Ihova, ekpu ahlaig vai euc ainyak; ekpu lep ugyi Ihova ainyak.

⁹ Et eti upene vai euc inmas unyak, eku wit asuol an nehpanitai ainyak; inyi idim eti imiahpas euc tah natimi mas, um eti asuptecnaig intas inveijec unyum.

¹⁰ Ak Ihova, atahaijeg aiek, um aiheuc vai nyak: ak Ihova, namu atau imi nyak aiek.

¹¹ Kis taigtaig ainyak, ja asika aiek ki cediaig ainyak: na mun atipagki napelumai uucai unyak aiek, um aso nyak an nimiacitak;

¹² va ekpu imiahpas euc ainyak an liinmopok, um eti eucsup. Ak Ihova Atua unyak, ekpu ago naaurinig vai euc ainyak irai iji mesese.