Saam 3 - Intas Etipup

SAAM 3.

Era amen upene natimi iji ig et aminjinai ra a Atua.

¹ AK Ihova, era ahinag acen a ilpu atimi tak atimi irak; era lep ahinag acen ara era atidai ara um aat irak.

² Era ahinag ara era auahas inliinmopok ara, um ika, Inyi eti imiatamaig yin a Atua. Sila.

³ Ja nai itai atapnes itai auahas nyak aiek um arehed irak, ak Ihova; ek esjilid ainyak vai euc; nai lep imiatidai jai nidjinik aiek.

⁴ Kis ahlaig vai Ihova ainyak an nohrak; is um atahaijeg intas unyak aien au nedoon itap o im. Sila.

⁵ Kis asjeuc ainyak um umjeg; kis aiji lahlah ainyak: is idim aminjinai nyak a Ihova.

⁶ Ekpu eti imtitaig natimi et ahinag acen ainyak, era aiji arehed irak ara, mika eri aat irak.

⁷ Namu atidai aiek, ak Ihova; namu imiatamaig nyak aiek, ak Atua unyak; vaig inig nikavaig, as auud neduon nahpai ilpu atimi tak atimi irak asega aiek; as ahti neijei ilpu atimi auatatimi aiek.

⁸ Et ahes ehele Ihova nitai imiatamaig atimi: etmu amen intas acis yi alwai unyum irai ilpu atimi unyum. Sila.