Saam 29 - Intas Etipup

SAAM 29.

1 Et ated ilpu, atimi alupas a Tevit mika eri imiahpas Atua ara. 3 Vaig inig nikavaig, et emda aien, 11 um imicoho atimi o un.

¹ AK ilpu hal u Atua, akumu imiahpas Ihova aijaua, akumu asuptecnaig nemda u Ihova aijaua.

² Akumu alupai Ihova nimiahpas inig aijaua et upene va nidan: um atpuse an nuhup u Ihova an nuarin itap esjilid o un.

³ Et amen nohrai Ihova ijinies an jap; et ika a Atua esjilid acen yi atceteuc inmunuka; is amen a Ihova ijinies irai wai et ahinag.

⁴ Et emda nohrai Ihova; et lep esjilid acen nohrai Ihova.

⁵ Et ahtasvi nauicai sitar a Ihova an nohran; et idim ahtasvi nauicai sitar an nau Lebanon a Ihova.

⁶ Is lep ika aien yi aliaujai nau Lebanon et idivaig inhakli kurimatau, im nau Sirion et idivaig inhakli kurimatau aleg.

⁷ Et imiterimterim niji awainapit a Ihova an nohran.

⁸ Etpu eucjeucjaig namasacen a Ihova an nohran; et ika a Ihova yi amaamai namasacen Ketes.

⁹ Et emda nohrai Ihova par ika eri ahad niji anin aleg; et ika aien yi lep rere niji cai an nese; ja era tas ara asega anliin neom ahlap o un, um ika, Et upene.

¹⁰ Is wat ahgarero nobohtan an nopan iyehki, is ateuc a Ihova ijinies an wai; et idim ateuc a Ihova um Atimarid irai iji mesese.

¹¹ Etpu alupai ilpu atimi o un nemda a Ihova; etpu lep acis yi alwai ilpu atimi o un a Ihova, um ika eri amen igpa ara.