Saam 23 - Intas Etipup

SAAM 23.

Et asgeig irai Atua a Tevit va naiheuc o un.

¹ ET aminjinag nyak a Ihova et idivaig natimi asgi siip: inki eti ilikin natimi ainyak.

² Et ika aien, ki asjeuc ainyak irai efelelicai et tup pam eteuc: et atau irak aien, mika ki atumop ainyak ubutpotet pan u inwai.

³ Et imiatumumoh nyak aien; et atau irak aien an nedo atoh va nidan.

⁴ Im lep inig, eku wit atga ainyak an niskanse apat acen, inki eti imtitaig tah nitai has ainyak; na idim amen ehelek aiek; etpu ago emda nyak inmopul unyum im niseuc unyum.

⁵ Napu ati nitai hag imtak aiek, an nuhup u ilpu atimi tak atimi irak; as mun aspi nipek unyak aiek an narakei; et ohua nipjinitai unyak um elel.

⁶ Etpu idim apitac nyak nedo upene im nedo aiheuc unyum ache irai iji adiat an numoh unyak; ekpu lep amen ainyak an nimnim u Ihova irai iji mesese.