Saam 21 - Intas Etipup

SAAM 21.

1 Intas naaurinig u Tevit nigki va nesjilid o un an nedoa. 7 Et asgeig ira Atua mika yi lep esjilid an nedoa aien.

¹ AK Ihova, etpu imiacitak nemda unyum a natimarid; etpu lep cediaig alupas aien va nimiatamaig yin unyum.

² Na mun alupai yin nitai merit u inliinmopon aiek, um eti imiaaij nitai inig is ugyi an nipjineucsen aien. Sila.

³ Napu idim auroauro aiek, um alupai yin niji itai upene esjilid; napu atijai an nidjinin aiek incat adgaig irai colt upene.

⁴ Is ugyi euc aien mika yi umoh aien; ja as alupai yin niji adiat is ahinag aiek, nitai umoh iran marom irai iji imesese.

⁵ Etpu esjilid natimi alupas o un va nimiatamaig yin unyum: napu alupai yin natimi alupas o un aiek im neklim upene o un.

⁶ Napu ati yin aiek, mika eri amen upene vai yin natimi irai iji mesese: napu ika aien yi imiacitak alupas aien va nesganimtam.

⁷ Et idim asgeig irai Ihova a natimarid; etpu amen aktit aien va naiheuc u Atua esjilid acen.

⁸ Etpu uhum ilpu atimi tak atimi iram asega nikmam; etpu uhum ilpu atimi amcel vai euc nikmam inmatam.

⁹ Napu ika aiek, eri idivaig nehpan uum ehri acen ara, an nopan nalum ra unyum; etpu auahas ehni ra a Ihova an nedemda o un; etpu lep atnamud ra incap.

¹⁰ Napu ika aiek, erupu tiih a ilpu hal ura an nobohtan, um lep tiih ilpu mapora ehele atimi.

¹¹ Eris aktaktai nedo has vai euc ara: eris lep anaclelra nedo efaifa ara, ja erupu eti emda ara par ago iram.

¹² Vaig inig nikavaig, napu ahau ra aiek; nau wit ikni upene efana unyum irai ya aiek,par ahcai ra.

¹³ Namu esjilid aiek, ak Ihova, va nedo emda unyum: ecrupu acesaces nohranitai aijama, um imiahpas natimi alupas unyum.